Valkyrjan.....!

laugardagur 24. apríl 2021

Kýrnar eru misjafnar eins og þær eru margar.  Það sannaðist í kvöld, þegar Andromeda bar kvígukálfi.  Andromeda er að öllu jöfnu hæglát og hlédræg kýr, sem lætur lítið fyrir sér fara. 

En í kvöld breytti hún heldur betur um "stíl", þegar kom að því að verja afkvæmið.  Gerði hún margar tilraunir til þess að ráðast á okkur og átti starfsfólk kvöldvaktarinnar fótum fjör að launa þegar atgangurinn var sem harðastur.  Móðurástin lætur ekki að sér hæða.

Andromeda kom reyndar líka á óvart þegar hún var sædd, en þá "brjálaðist" hún og reyndi að jafna um frjótæknin þegar "athöfninni" var lokið.  Þegar hún gekk upp, þá fékk hún að heimsækja nautið....!!