Það er vor í lofti.........

föstudagur 10. maí 2024

Nú fara vorverkin að "taka öll völd".  Endurræktun og endurbætur á ræktuninni er eitt af "stóru" verkefnunum, þar sem við m.a. erum að tengja saman Grafavöll og Nesið en hluti af því verkefni er að færa heimtaugin fyrir sumarhúsið í Stórhólnum.  Fyrst fengum við starfsmenn Rarik til þess að "sóna" strenginn og merkja legu hans.  Næsta verk var að "moka" hann upp.  Í framhaldi af því grafa nýjan skurð fyrir hann og koma honum fyrir þar.  Að síðustu var mokað yfir, en samhliða því lögðum við aðvörunarborða með í skurðinn.