Nautaat

laugardagur 16. október 2021

Það er í mörg horn að líta í búskapnum.  Að undanförnu hefur nautahjörð frá nágrannabæ sótt stíft yfir Laxá og í túnin sunnan ár.  Hef þurft að fara 4 - 6 ferðir á dag til þess að reka þau til baka í heimahagana.  

Í Ástralíu notast menn við þyrlur til þess að smala nautgripahjörðum, en við látum okkur duga dróna.  Hægt er að nota drónann á góðviðrisdögum, en það er mjög áhrifaríkt tæki til kúareksturs.  Ef veðurskilyrði eru óhagstæð drónanum er gripið til fjórhjólsins, einnig þegar þarf að fara í myrkri, en það er útilokað að reka svört naut, með dróna, í myrkri.....!!!