Fámennið.........

laugardagur 24. apríl 2021

Nú er rúmt ár liðið frá því að þjóðin var sett í "stofufangelsi" og ferðalög lögðust að mestu af.  Þessi tími hefur verið fólki miserfiður og aðstæður misjafnar.  Margir misstu vinnuna, á meðan lítil breyting varð hjá öðrum. 

Skoðanir hafa verið skiptar á "aðferðafræðinni" við varnirnar, og eins í öðrum mannanaverkum, mun sagan dæma, með réttu eða röngu.  Eitt er víst, við getum ekki "spólað til baka".

Nú hafa bretar lýst yfir sigri í baráttunni við þennan vágest og vonandi styttist í það að við náum sömu stöðu, þannig að lífið komist í "eðlilegt" horf að nýju. 

Bretar bólusettu daglega fjölda, sem svaraði til allri íslensku þjóðinni.  Ekki að spyrja að "kraftinum" í þeim, enda ýmsu vanir þegar kemur að "styrjöldum".

Fyrir réttu ári, fórum við í "morgungöngu" á Þingvöllum, til þess að upplifa staðinn í "einrúmi".  Læt fylgja nokkrar myndir sem sýna Þingvelli og nágrenni við "eðlilegar" aðstæður.