Aðalfundur

laugardagur 20. mars 2021

Í gær var aðalfundur SS (Sláturfélags Suðurlands) haldinn í Goðalandi í  Fljótshlíð.  Á fundinn voru mættir um 80 fulltrúar úr deildum félagsins ásamt nokkrum gestum.  Fundurinn var með hefðbundnu sniði, en tvö atriði vöktu athygli. 

Nokkur umræða hefur verið á liðnum misserum um kjötinnflutning sem SS er talið standa fyrir.  Á vefsíðu SS eru upplýsingar um kjötinnflutning á vegum félagsins og kom þar margt á óvart þegar staðreyndir málsins voru skoðaðar. 

Á árinu 2020 flutti SS inn 135 t af svínakjöti, mest síður og seldi undir merki Búrfells.  Það var um 3% af heildar innflutningi á kjötvörum 2020. 

Allar vörur seldar undir merki SS, eru unnar úr íslensku kjöti. 

Reykjagarður, dótturfélag SS, flutti inn 48 t af alifuglakjöti (ákveðna skrokkhluta), sem er u.þ.b. 2% af framleiðslu þeirra.

Annað sem vekur undrun, er að á nokkrum vöruflokkum SS, var verð til viðskiptavina lækkað um 15%.  Þeirri lækkun var ekki skilað til viðskiptavina smásöluverslunar (neytenda).  Væri fróðlegt að fá "útskýringu" á því.  Væntanlega er ekki hægt að "skýla" sér á bakvið "gengisþróun".....?